«رشّوا عليّا بنزين وولّعوا فيّا» بهذه الكلمات المأسوية، روى الحاج صابر، ابن محافظة البحيرة، تفاصيل مأساته مع أولاده طمعًا في الميراث، الأمر الذي دفعهم لتركه في الشارع وحيدًا دون ملجأ.
جَوّزت ابني الكبير وهو في سنة 3 إعدادي
وقال الحاج صابر خلال لقائه مع الإعلامية نهال طايل ببرنامج «تفاصيل» المذاع على قناة صدى البلد، «جَوّزت ابني الكبير وهو في سنة 3 إعدادي، وكان غلط مرة مع واحد ودفعتله فلوس كتير عشان اطلعه منها، وفي الآخر مطمرش فيه».
وتابع الحاج صابر: «ابني الصغير عمل حادثة وركب شرائح ومسامير، وصرفت عليه 35 ألف جنيه، ومقصرتش في حقه خالص، ولما جَوّزته خلى عياله يرموا عليا بنزين وطلعنا بالليل نجري في الشارع أنا ومراتي وبنتي، وده بسبب إن نسوان ولادي بيكرهوني».
بنيت بيت كبير على مساحة 3 قراريط
وأردف الحاج صابر: «بنيت بيت كبير على مساحة 3 قراريط، وولادي عايزين يستولوا عليه ويطلعوني برا البيت، ويستغلوا عجزي عن الحركة والسيطرة عليهم لكبر سني، وهدفهم كله إن البنات أخواتهم مياخدوش حاجة من الميراث».
واستكمل الحاج صابر: سبتلهم البيت ومشيت وروحت قعدت 3 أيام عند أحد جيراننا في البلد، وبعد كده شوفت أوضة فاضية مباني بالطوب، ونقلت قعدت فيها أنا وبنتي، وبعت لأولادي مرسال أقولهم ادوني أي فلوس اشتري بيهم شقة نظيفة اقعد فيها ومش عايز منهم حاجة تانية غير كده».
إخلاء مسؤولية إن موقع مصر النهاردة يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
0 تعليق