أعلن نجل أحمد شيبة تراجعه عن مقاضاة البلوجر ياسر علي وزوجته، بعد اعتذارهما عن نشر صورة يظهر فيها والده وهو نائمًا، وذلك من خلال منشور عبر حسابه الشخصي على موقع تبادل الصور والفيديوهات إنستجرام.
تراجع نجل أحمد شيبة عن مقاضاة البلوجر ياسر أحمد
وأعاد نجل أحمد شيبة مشاركة اعتذار ياسر أحمد من خلال خاصية استوري رصدها موقع تحيا مصر، وعلق عليها وكتب: "عفا الله عما سلف".
وبدأت القصة حين أعلن نجل أحمد شيبة عن مقاضاة البلوجر ياسر أحمد وزوجته بعد نشرهما صورة يظهر فيها والده وهو نائمًا، وقال في مقطع فيديو له: فيه حد المفروض أنه مشهور ومراته كانوا رايحين قطر ووالدي كان على نفس الطيارة، والدي كان عنده حفلة هناك وكان نايم في الطيارة من التعب.. الشاب اللي صور الصورة دي خفة دمه معدية كل الحدود وانت نزلت الصورة عندك وانت فاكر الموضوع مضحك بس هو متشافش مضحك، المحامي رفع عليك قضية أنت وزوجتك لأنك تعديت على الخصوصية ومش جدعنة ولا رجولة والمحاميين اللي شغالين معانا في المكتب خدوا الموضوع بجدية ازاي شخصية عامة يتصور وهو نايم.
اعتذار ياسر أحمد عن نشر صورة أحمد شيبة
ومن جانبه اعتذر ياسر أحمد عن نشر الصورة، وكتب عبر حسابه الشخصي على موقع تبادل الصور والفيديوهات إنستجرام من خلال خاصية استوري: الصورة غير مقصودة، احنا دايما بنتصور بالشكل ده على مدار السنين واحترامنا الكامل للفنان وان كان في خطأ غير مقصود فأنا بعتذر للفنان أحمد شيبة، له منا كل الاحترام والتقدير.
نجل أحمد شيبة ينفي وجود خلاف بينه وبين والده
وكان قد كشف نجل أحمد شيبة حقيقة وجود خلاف بينه وبين والده، وقال عبر إنستجرام: في ناس فاكرة إن في مشاكل بيني وبين أبويا.. او أنا زعلان منه أما التراب اللي بيقع من الجزمة بتاعت أبويا فوق راسي وانا بتباهى بيه وعمري ما كان في زعل بيني وبين أبويا كل ده هزار انا راجل متربي وصعيدي وابن حلال، انا شوفت أبويا بيبوس ايد أبوه ورجل ابوه وبيحترم أبوه عمره في حياته ما على صوته على ابوه وعمره ما قل أدبه على أبوه.. انا كنت خاطب وعندي 22 سنة ابويا اداني 5 أقلام وكان في الشارع وكل الناس واقفه عشان كنت بتخانق وانا ليا وضعي في المنطقة وأقسم بالله العظيم ما بصتله بصة أبويا مليش غيره في الدنيا ونفسي ربنا يكرمني و اقعده من الشغل و اريحه عشان اتبهدل وشقي .. ياريت فيه اتنين من ابويا.
0 تعليق