الاثنين 14 أكتوبر 2024 | 01:52 مساءً

عبّر المطرب الشعبي عمر كمال عن استيائه من الانتقادات التي يتلقاها من الجمهور بشكل متكرر، بشأن مصدر أمواله ومدى قبول الله للأعمال الخيرية التي يقوم بها.

ونشر عمر كمال فيديو له عبر صفحته على موقع التواصل الاجتماعي فيسبوك، وقال: "تعبت نفسيًا من كلام الناس، وبطلب من شيخ من الأزهر يرد عليا ويريحني، إيه معنى، الله طيب لا يقبل إلا طيب؟ أنا بعمل الخير من غير ما أظهره للناس، ومع ذلك تعبت من الانتقادات اللي بتلاحقني".

أعمال الخير لعمر كمال

تحدث عمر كمال عن الأسر التي يكفلها وقال: "بساعد اللي عايز مساعدة، واللي سقف بيته واقع بصلحهوله، واللي عايز يتجوز بساعده، دايمًا بعمل اللي أقدر عليه، أنا شايل مسؤولية 50 أو 60 فرد، بين فرقتي والناس اللي شغاله معايا".

استياء عمر كمال من منتقديه

وانتقد عمر كمال من يشكك في نواياه، وقال: "اللي بيقول إن فلوسي حرام، أنا بستخدم الفلوس دي في أعمال خير.. إنتم عملتم إيه؟ لما حد يحتاج يغسل كلى مرتين أو تلاتة في الشهر، مين اللي بيوفرله الفلوس؟"

طلب عمر كمال من شيخ الأزهر

طالب كمال الأزهر الشريف بتقديم فتوى، قائلاً: "أنا عايز شيخ من الأزهر يرد عليا ويقولي إذا كنت غلطان ولا صح، لو غلط هبطل أعمل خير، لافتًا إلى أنه يشعر بالتعب بسبب إن من حين لآخر حد يقول له "الله طيب لا يقبل إلا طيب، وإن ربنا مش هيقبل مني عشان فلوسي حرام".

رسالة عمر كمال

ووجه عمر كمال رسالة مؤثرة لمتابعيه، وقال فيها: "أنا واحد من وسط ملايين، شايل مسؤولية عيلتي والناس اللي شغالين معايا، وبوفر العلاج لكل اللي يحتاج، أتمنى إن المجتمع كله يبقى زي عمر كمال، ويساعد الآخرين، عشان محدش هيبقى فقير".