خرجت الفنانة جوري بكر، بتصريحات مثيرة منذ قليل عبر حسابها الرسمي بموقع تبادل الصور والفيديوهات انستجرام، ناصحة الجمهور بالحديث مع الله على مدار 24 ساعة سواء عن ضغوطات الحياة أو المشاكل التي تقابلها وغيرها من تلك التصريحات.
جوري بكر: اتكلم مع ربنا على مدار 24 ساعة
وقالت جوري بكر في منشور رصده موقع تحيا مصر عبر حسابها الرسمي بموقع تبادل الصور والفيديوهات انستجرام من خلال خاصية ستوري: اتكلم مع ربنا لحد ما عينك تروح في النوم؛ الجملة دي عادية.. بس لما بدأت أطبقها في يومي حسيتها،بتكلم مع ربنا جوايا وبستخيره وبقوله ناوية أعمل ايه وبحكيله عن الخطة اللي غيرتها بشكيله تصرف ضايقني وبحكيله الضغوط اللي أنا فيها وعلى حاجة مقلقة منها، وبستغفره أول بأول عن غباء تصرفاتي، وبدعيه بتفاصيل صغيرة أوي لو حد سمعها هيستغربها.
جوري بكر: كلم ربك نسبة الشكوى هتقل وهتلاقي نفسك مرتاح
وتابعت موجهة نصيحتها للجمهور: كلم ربك 24 ساعة في الـ24 ساعة، واختم كل مرة كلامك بأنك واثق أنه مش هيضيعك وأنه سندك الحقيقي.. وتضحك وتطمن، ساعتها نسبة الشكوى هتقل وهتلاقي نفسك مرتاح والإشارات من ربك هتلاقيها قدامك كتير، كتير أوي.. الحالة دي ممكن نسميها : الاستغناء التام بالله.
من ناحية أخرى يعرض للفنانة جوري بكر في الفترة الحالية مسلسل برغم القانون والذي تشارك به إلى جانب عدد كبير من نجوم الفن من بينهم إيمان العاصي محمد القس، هاني عادل، رحاب الجمل، وليد فواز، نبيل علي ماهر، محمد محمود عبد العزيز، جوري بكر، بتول الحداد وغيرهم، والمسلسل من إخراج شادي عبد السلام وتأليف نجلاء الحديني.
جوري بكر تتحدث عن شخصيتها في برغم القانون
وتحدثت جوري بكر عن شخصيتها في مسلسل برغم القانون، قائلة: شخصية سوسن قابلتها في حياتي أول ما بدأت في الوسط الفني لما كنت بتعرف على ناس علشان أمثل وكنت بقابل ناس مش بتحبني وكارهيني ناس أنانيه، وكنت دايماً بسأل نفسي هي الشخصية دي بتكرهني ليه، بتأذيني ليه في شغلي والشخصية دي شوفتها كانت إزاي بتتعامل معايا، وشوفت قد إيه هي سوده وغلاوية ووحشة لمجرد أنها شايفة اني أنا أحسن منها والناس مبقتش زي الأول وبقت أنانيه وبتوع مصلحتهم وكل يوم بنقابلهم في حياتنا وشخصية سوسن موجودة في كل مكان.
0 تعليق